Bosfor boğazı tanker qəzası səbəbindən gəmilər üçün bağlanılıb

Bakı. 8 dekabr. REPORT.AZ/ Bosfor boğazı tankerin qəzaya uğraması səbəbindən gəmilərin hərəkəti üçün bağlanılıb.

Bu barədə "Report" Türkiyə KİV-inə istinadən xəbər verir.

Bildirilir ki, Panama bayrağı altında üzən tankerin idarəetmə sükanı imtina edib və nəticədə boğazın ortasında - İstanbul yaxınlığında dayanmaq məcburiyyətində qalıb. Xarab olan tanker oradan uzaqlaşdırılana qədər boğazda hər iki istiqamətdə hərəkətin dayandırılmasına qərar verilib.