Belarusda yaralanan güc strukturları əməkdaşlarının sayı açıqlandı

Belarusda yaralanan güc strukturları əməkdaşlarının sayı açıqlandı Belarusda prezident seçkilərinin nəticələrinə qarşı başlayan etiraz aksiyaları zamanı nümayişçilərlə toqquşmada güc strukturlarının 21 əməkdaşı yaralanıb
Region
487
11 Avqust , 2020 15:07
Belarusda yaralanan güc strukturları əməkdaşlarının sayı açıqlandı

Belarusda prezident seçkilərinin nəticələrinə qarşı başlayan etiraz aksiyaları zamanı nümayişçilərlə toqquşmada güc strukturlarının 21 əməkdaşı yaralanıb.

“Report” xəbər verir ki, bunu ölkənin Daxili İşlər Nazirliyi açıqlayıb.

Məlumata görə, xəsarət alan 21 əməkdaşdan 5-i xəstəxanaya yerləşdirilib.

Qeyd edək ki, avqustun 9-da Belarusda prezident seçkiləri keçirilib. İllər sonra ölkədə böyük maraqla qarşılanan seçkilərdə, ilkin nəticələrə görə, hazırkı prezident Aleksandr Lukaşenko 6-cı dəfə qalib olub. Bunun sonucunda ölkənin bir sıra bölgələrində kütləvi dinc etirazlar başlayıb. Polislə qarşıdurmaya çevrilən nümayişlərdə minlərlə insanın saxlanıldığı, 1 nəfərin öldüyü, onlarla insanın yaralandığı bildirilir. Müxalifətdən olan A.Lukaşenkonun əsas rəqibi Svetlana Tixanovskaya güc strukturlarına üz tutaraq xalqa qarşı güc tətbiq etməməyə çağırıb. Etirazlar fonunda ölkənin MSK sədri Lidiya Yermoşına Hökumət evindən təxliyə edilib. Seçkilərdən 2 gün sonra S.Tixanovskaya təhlükəsizlik məqsədilə ölkəni tərk edərək Litvaya üz tutub.

Orphus sistemi