Ankarada Rusiya və İran prezidentlərinin görüşü keçirilir

Bakı. 4 aprel. REPORT.AZ/ Ankarada Rusiya Prezidenti Vladimir Putinlə İran Prezidenti Həsən Ruhaninin görüşü başlayıb.

“Report” xəbər verir ki, görüş aprelin 4-də Türkiyə prezidentinin iqamətgahında keçirilir.

Görüşdə Rusiya prezidenti ilə İranın hökumət başçısı arasında ikitərəfli münasibətlərə dair məsələlər müzakirə olunur.

Bundan sonra Suriyadakı vəziyyətlə bağlı Türkiyə, Rusiya və İran prezidentləri arasında üçtərəfli görüş keçiriləcək.