Ankarada inşaatda çökmə olub, ölən və xəsarət alanlar var

Bakı. 26 sentyabr. REPORT.AZ/ Türkiyənin paytaxtı Ankarada yeni tikilən binada çökmə olub. 

"Report" "Hürriyet"ə istinadən xəbər verir ki, Mamak rayonunda binanın ikinci mərtəbəsinin betonu tökülərkən uçqun baş verib. 

Nəticədə iki fəhlə dağıntılar altında qalıb, xilasedicilər onları xilas edib. Yaralılardan biri xəstəxanaya aparılarkən yolda dünyasını dəyişib. 

Faktla bağlı araşdırma aparılır.