Almaniya kansleri: “Rusiya prezidentinin iştirakı olmadan Ukrayna və Fransa liderləri ilə görüşəcəyik"

Bakı. 10 aprel. REPORT.AZ/ “Cari ilin may ayında Rusiyanın iştirakı olmadan Fransa və Ukrayna prezidentləri ilə Axendə görüşəcəyik”.

“Report” "RİA Novosti”yə istinadən xəbər verir ki, bunu Almaniyanın kansleri Angela Merkel Ukrayna prezidenti Pyotr Poroşenko ilə görüş zamanı bildirib.

“Onda Ukrayna prezidenti Axendə olacaq. Onun Fransa prezidenti Emmanuel Makron və mənimlə qısamüddətli görüşü ola bilər. Əlbəttə, bu, “normand formatında” olmayacaq. Bu formata 4 nəfər daxildir. Rusiya prezidenti Axenə gəlməyəcək”, - deyə Angela Merkel vurğulayıb.