Aİ-nin Rusiyanın Ukraynaya hərbi müdaxiləsi ilə bağlı qrupu fəaliyyətə başlayıb

Avropa İttifaqının (Aİ) Rusiyanın Ukraynaya hərbi müdaxiləsi ilə bağlı Vəhşilik Cinayətləri üzrə Məsləhət Qrupu fəaliyyətə başlayıb.

“Report” xəbər verir ki, bunu ittifaqın xarici işlər və təhlükəsizlik siyasəti üzrə ali nümayəndəsi Josep Borrel tviter səhifəsində yazıb.

“Müharibə cinayətləri cəzasız qala bilməz. Rusiyanın Ukraynaya qanunsuz müdaxiləsinin cavabsız qalmaması üçün ABŞ və Böyük Britaniya ilə birlikdə Ukrayna Baş Prokurorluğuna dəstək oluruq. Artıq Vəhşilik Cinayətləri üzrə Məsləhət Qrupunu işə salmışıq”, - o bildirib.