Acarıstanda qadından silah və patronlar götürülüb - FOTO

Gürcüstanın Acarıstan Muxtar Respublikasında silah və sursatın əldə olunması, saxlanılması və daşınmasında ittiham olunan qadın saxlanılıb.

“Report”un yerli bürosu xəbər verir ki, bu barədə Gürcüstanın Daxili İşlər Nazirliyi məlumat yayıb.

Saxlanılan 1988-ci il təvəllüdlü X.T. adlı qadının üzərinə baxış zamanı “Parabelium” sistemli odlu silah və 35 patron müsadirə olunub.

Faktla bağlı istintaq aparılır. Qadını 4 ildən 7 ilədək azadlıqdan məhrumetmə cəzası gözləyir.