Acarıstan hökumətinin yeni sədri seçilib

Bakı. 15 iyul. REPORT.AZ/ Acarıstan Muxtar Respublikası hökumətinin yeni sədri Zurab Pataradze olub.

"Report" Gürcüstan KİV-inə istinadən xəbər verir ki, namizədliyini Gürcüstan prezidenti Georgi Marqvelaşvilinin təklif etdiyi Z.Pataradzenin lehinə Respublika Ali Sovetinin 12 deputatı səs verdiyi halda, əleyhinə səs qeydə alınmayıb. Müxalif Vahid Milli Hərəkat Partiyasından olan deputatlar təqdim edilən namizədi dəstəkləməyib.

Xatırladaq ki, Acarıstan hökumətinin keçmiş sədri Arçil Xabadze iyunun 6-da vəzifəsindən istefa verib. O, bunu "Gürcü arzusu" komandası ilə birgə seçkiqabağı proseslərə fəal qatılmaq niyyətində olması ilə izah edib.