Bakı. 8 may. REPORT.AZ/ Ermənistanın keçmiş prezidenti Robert Köçəryanın oğlu Levon Köçəryan və gəlini, müğənni Siruşoya ABŞ-a getmək üçün viza verilməyib.
"Report" xəbər verir ki, bu haqda Ermənistanda çıxan "Jamanak" qəzeti məlumat yayıb.
Qəzet bildirib ki, cütlük ABŞ-da dünyaya övlad gətirən zaman ölkədə qalma müddəti ilə bağlı qaydaları pozublar.
"Xəbərin doğruluğunu yoxlamaq üçün Siruşoya müraciət edilib. Müğənni əsəbiləşərək, deyib ki, bu məsələ ilə bağlı təmsilçisinə müraciət etsinlər. Bütün hallarda o, hadisəni nə təsdiq, nə də təkzib edib", - "Jamanak" vurğulayıb.