ABŞ İran hakimlərinə qarşı sanksiya tətbiq edib

ABŞ hökuməti Tehran İnqilabi Məhkəməsinin hakimləri Əbulqasım Salavati və Məhəmməd Moğisehə qarşı insan hüquqlarının pozulması ilə bağlı sanksiya tətbiq edib.

Bu barədə “Report” AP-yə istinadən xəbər verir.

Bununla bağlı yayılan açıqlamada bildirilir ki, hakimlər “jurnalistlərin, hüquqşünasların, siyasi fəalların, ölkənin milli və dini azlıqlarının təmsilçilərinin öz azadlıqlarını müdafiə etmək cəhdlərinə görə cəzalandıraraq həbsə atmaq, şallaqlamaq və s. cəza tədbirlərinə məruz qoymaqla İran rejiminin ədliyyə pozuntuları”nda mühüm rol oynadıqlarına görə barələrində məhdudlaşdırıcı tədbirlər görülüb.