ABŞ-da müalicə müəssisəsini qarət etmək istəyən erməni güllələnərək öldürülüb

Bakı. 21 yanvar. REPORT.AZ/ ABŞ-ın Los-Anceles şəhərində müalicə məqsədi ilə marixuana verilən yeri qarət edərkən, Ovik Ohanesyan adlı 50 yaşlı erməni güllələnərək öldürülüb.

“Report” Ermənistan KİV-inə istinadən xəbər verir ki, bu barədə məlumatı Los-Anceles polisi yayıb.

Şahidlər bildirib ki, başları örtülü bir qadın və kişi marixuana verilən binaya girəndən sonra oradan atışma səsləri eşidilib.