Türkiyə XİN başçısı Minsk Qrupunun həmsədrləri ilə Qarabağ münaqişəsini müzakirə edib

Bakı. 29 noyabr. REPORT.AZ/ Türkiyənin xarici işlər naziri Mövlud Çavuşoğlu Ankarada ATƏT-in Minsk Qrupunun həmsədrləri ilə görüşüb.

"Report"un verdiyi xəbərə görə, bu barədə M.Çavuşoğlu "Twitter" səhifəsində yazıb.

"Mən Minsk Qrupunun həmsədrləri - Stefan Viskonti, İqor Popov, Endrü Şofer və ATƏT-in fəaliyyətdə olan sədrinin xüsusi nümayəndəsi Anji Kaspşiki qəbul etdim və Türkiyənin Minsk prosesini dəstəklədiyini bildirdim", - Türkiyə XİN başçısı yazıb.