Səfirlik İrandan Azərbaycan mövqelərinin atəşə tutulmasını təkzib edib

Səfirlik İrandan Azərbaycan mövqelərinin atəşə tutulmasını təkzib edib "İran və Azərbaycan dost və qardaş ölkələrdir və bu dostluq və qardaşlıq əbədi olacaq, heç kim buna mane ola bilməz”.
Qarabağ
9384
14 Oktyabr , 2020 13:09
Səfirlik İrandan Azərbaycan mövqelərinin atəşə tutulmasını təkzib edib

"İran artilleriyasının Azərbaycan ordusunun mövqelərini atəşə tutması barədə KİV-də yayılan məlumatlar həqiqətəuyğun deyil".

Bu barədə “Report”a İranın Azərbaycandakı səfirliyindən bildiriblər.

“Yoxladıq, aldığımız məlumatlara əsasən, bu informasiya həqiqətəuyğun deyil. Bu cür məlumatların əsas məqsədi İran İslam Respublikası ilə Azərbaycan Respublikası arasında artan münasibətləri zəiflətməkdir. Bu məlumatları tamamilə təkzib edirik. İran və Azərbaycan dost və qardaş ölkələrdir və bu dostluq və qardaşlıq əbədi olacaq, heç kim buna mane ola bilməz”, - diplomatik nümayəndəlikdən vurğulayıblar.

Qeyd edək ki, daha əvvəl bəzi KİV-də guya Azərbaycandan İran ərazisinə bir neçə mərmi atılmasından sonra İran artilleriyasının Azərbaycan ərazilərinə atəş açdığı yazılmışdı.

Son xəbərlər

Orphus sistemi