Rusiya XİN: Qarabağ münaqişəsinin sülh yolu ilə nizamlanması üçün fəal işləyirik

Bakı. 13 dekabr. REPORT.AZ/ "Rusiya Dağlıq Qarabağ münaqişəsinin sülh yolu ilə həll edilməsi məqsədi ilə ATƏT-in Minsk qrupunun digər həmsədrləri ilə birgə fəal işləyir".

"Report" xəbər verir ki, bu barədə Rusiya Xarici İşlər Nazirliyinin mətbuat xidmətinin bu ölkənin XİN başçısı Sergey Lavrovun Bakıya səfəri ilə bağlı məlumatında bildirilir.

Xatırladaq ki, S.Lavrov Bakıda keçiriləcək QDİƏT Xarici İşlər Nazirləri Şurasının iclasında iştirak etmək üçün bu gün Azərbaycana gələcək.