“Pakistan azərbaycanlı qardaşların yanındadır. İƏT və təmas qrupu da bu məsələdə öz səylərini davam etdirəcək”.
“Report” xəbər verir ki, bunu İslam Əməkdaşlıq Təşkilatının (İƏT) nümayəndə heyətinin keçirdiyi mətbuat konfransında Pakistanın İƏT-də və digər beynəlxalq təşkilatlardakı daimi nümayəndəliyinin rəhbəri, səfir Rizvan Səid Şeyx deyib.
Daha sonra səfir Azərbaycan dilində öz təbriklərini ifadə edib. “Zəfəriniz qutlu olsun və Qarabağ Azərbaycandır”, - o, əlavə edib.