Qarabağda erməni əsgərinin intiharında ittiham olunan hərbçi həbs olunub

Azərbaycanın işğal altında olan Dağlıq Qarabağ bölgəsində xidmət edən Ermənistan hərbçisi K.A. həbs olunub. 

“Report” “Novosti Armeniya”ya istinadən xəbər verir ki, məlumatı Ermənistanın İstintaq Komitəsi yayıb.

O, əsgər yoldaşı Erik Arutyunyanı intihar həddinə çatdırmaqda şübhəli bilinir. 

Sıravi K.A. əsgər yoldaşını təhqir etməkdə, hərbi nizamnaməni pozmaqda ittiham olunur. 

Hadisə ilə bağlı istintaq davam edir.

Qeyd edək ki, E.Arutyunyan noyabrın 5-də intihar edib.