Müdafiə naziri: "Türkiyə və Rusiya hərbi-siyasi rəhbərliyinin səyi nəticəsində regionda sülhə nail olunub"

“Otuz ilə yaxındır davam edən Dağlıq Qarabağ münaqişəsinə son qoyulub”.

“Report”un xəbərinə görə, bunu Azərbaycan müdafiə naziri, general-polkovnik Zakir Həsənov işğaldan azad olunmuş Ağdam rayonunun ərazisində inşa edilmiş Türkiyə-Rusiya Birgə Monitorinq Mərkəzinin açılış mərasimində deyib.

Onun sözlərinə görə, Türkiyə və Rusiya hərbi-siyasi rəhbərliyinin səyi nəticəsində regionda sülhə nail olunub:

“Türkiyə və Rusiya arasında ötən ilin noyabrın 11-də imzalanmış Atəşkəsə Nəzarət üzrə Birgə Mərkəzin yaradılması haqqında memorandum xüsusi əhəmiyyət kəsb edir”.