Bakı. 7 aprel. REPORT.AZ/ "Avropa İttifaqı Dağlıq Qarabağ münaqişəsi ilə bağlı qəti mövqeyə malikdir. Status-kvo qəbuledilməzdir".
"Report" xəbər verir ki, bunu jurnalistlərə açıqlamasında Avropa İttifaqının Azərbaycandakı səfiri Malena Mard deyib.
Səfir Aİ-nin ATƏT-in Minsk qrupunun səylərini dəstəklədiyini vurğulayıb: "Bilirəm, həmsədrlər bu yaxınlarda regiona səfər edib. Bundan başqa, Cənubi Qafqaz regionu üzrə xüsusi nümayəndəmiz Herbert Zalber də Qarabağ münaqişəsi ilə məşğul olur".