İƏT baş katibi: "Xocalıda baş verənlər Azərbaycan ərazilərinin Ermənistan tərəfindən qanunsuz işğalı nəticəsində meydana gəlib"

İƏT baş katibi: "Xocalıda baş verənlər Azərbaycan ərazilərinin Ermənistan tərəfindən qanunsuz işğalı nəticəsində meydana gəlib" İƏT-in Baş Katibliyi Azərbaycanın işğalı dayandırmaq üçün təşəbbüs və səylərinə dəstəyini ifadə edib
Qarabağ
100
19 Fevral , 2016 09:53
İƏT baş katibi: Xocalıda baş verənlər Azərbaycan ərazilərinin Ermənistan tərəfindən qanunsuz işğalı nəticəsində meydana gəlib

Bakı. 19 fevral. REPORT.AZ/ İslam Əməkdaşlıq Təşkilatının (İƏT) baş katibi İyad bin Amin Madani 1992-ci il fevralın 26-da baş vermiş Xocalı faciəsinin qurbanlarının xatirəsini yad edib.

"Report" təşkilatın mətbuat xidmətinə istinadən xəbər verir ki, İƏT baş katibi Xocalıda baş verənlərin Azərbaycan ərazilərinin Ermənistan tərəfindən qanunsuz işğalı nəticəsində meydana gəldiyini bildirib. O, 2015-ci ilin mayında Küveytdə keçirilən İƏT-in Xarici İşlər Nazirləri Şurasının 42-ci sessiyasında Xocalı hadisələrini pisləyən qətnamə qəbul etdiklərini də xatırladıb.

Məlumatda qeyd edilir ki, İƏT-in Baş Katibliyi Azərbaycanın işğalı dayandırmaq və ərazi bütövlüyünü bərpa etmək üçün həyata keçirdiyi bütün təşəbbüs və səylərə dəstək verir və gələcəkdə də verəcək.

Son xəbərlər

Orphus sistemi