Əfqanıstan səfirliyi 20 Yanvar faciəsi ilə əlaqədar başsağlığı verib

Əfqanıstanın Bakıdakı səfirliyi qardaş və dost Azərbaycan xalqına 1990-cı ilin yanvarında baş vermiş faciəli hadisələrin 31-ci ildönümü ilə əlaqədar başsağlığı verib.

“Report” xəbər verir ki, bu barədə Əfqanıstanın Azərbaycandakı səfirliyinin feysbuk səhifəsində yayımlanan məlumatında deyilir.

“Dərin kədər hissi ilə Azərbaycan xalqına, yaxınlarını, ailə üzvlərini və ya dostlarını itirənlərə başsağlığı veririk”, - diplomatik missiyanın məlumatında vurğulanır.