Braziliyada jurnalistlər erməni təcavüzü barədə məlumatlandırılıb

Braziliyada jurnalistlər erməni təcavüzü barədə məlumatlandırılıb Azərbaycan Respublikasının Braziliyadakı Səfirliyində bir qrup yerli və xarici mətbuat orqanlarının nümayəndələri üçün brifinq keçirilib.
Qarabağ
5736
8 Oktyabr , 2020 21:11
Braziliyada jurnalistlər erməni təcavüzü barədə məlumatlandırılıb

Azərbaycan Respublikasının Braziliyadakı Səfirliyində bir qrup yerli və xarici mətbuat orqanlarının nümayəndələri üçün brifinq keçirilib.

Səfirlikdən “Report”a verilən məlumata görə, tədbirə toplaşan otuza yaxın mətbuat nümayəndələri qarşısında çıxış edən səfir Elxan Poluxov 27 sentyabrda ölkəmizə qarşı başlayan növbəti erməni təcavüzü və ona layiqli cavab haqqında məlumat verib.

Səfir Ermənistan-Azərbaycan Dağlıq Qarabağ münaqışəsinın tarixi haqqında danışaraq, Azərbaycanın haqlı mövqeyinin beynəlxalq qanununların norma və prinsiplərinə söykəndiyini deyib. Münaqişənin həllinin əsas prinsiplərini formalaşdıran 1993-cü ildə BMT Təhlükəsizlik Şurasının (TŞ) qəbul etdiyi 4 qətnaməyə toxunan E.Poluxov qətnamələrin hazırlanması və qəbulunda o zaman şuranın qeyri-daimi üzvü olan Braziliyanın iştirakını da xatirladıb və sonradan 27 il ərzində beynəlxalq aləm tərəfindən onların yerinə yetirilməsinin tələb edilmədiyini vurğulayıb.

Ermənistanın beynəlxalq qanunvericiliyin tələblərini kobudcasına pozaraq münaqişə zonasından uzaq məsafədə yerləşən Azərbaycanın mülki və sənaye infrastrukturları, neft və qaz boruları, su anbarları və yaşayış məntəqələrini artilleriya və raket atəşinə tutduğu və buna görə məsuliyyət daşıyacağı da bildirilib. Braziliyada çoxsaylı erməni icmasının yaşadığını söyləyən səfir Ermənistan rəhbərliyinin erməni diasporu vasitəsi münaqişə zonasına xarici muzdluların cəlb etdiyini də jurnalistlərin nəzərinə çatdırılıb.

Sonra jurnalistlərin çoxsaylı sualları cavablandırılıb.

Tədbir zamanı jurnalistlərə münaqişəyə aid video və fotoçarxlar nümayiş etdirilib və məlumat qovluqları paylanılıb.

Son xəbərlər

Orphus sistemi