Azərbaycan və Ermənistan XİN başçıları ilə həmsədrlərin növbəti görüşü payızda keçirilə bilər

Azərbaycan və Ermənistan XİN başçıları ilə həmsədrlərin növbəti görüşü payızda keçirilə bilər ATƏT-in Minsk qrupu çərçivəsində 3+2 formatlı, yəni Rusiya, ABŞ, Fransa nümayəndəəsi olan həmsədrlər, həmçinin Azərbaycan ilə Ermənistan xarici işlər nazirləri arasında nəzərdə tutulan görüş payızın əvvəllərində keçirilə bilər.
Qarabağ
1406
28 İyul , 2020 19:20
Azərbaycan və Ermənistan XİN başçıları ilə həmsədrlərin növbəti görüşü payızda keçirilə bilər

ATƏT-in Minsk Qrupu çərçivəsində 3+2 formatlı, yəni Rusiya, ABŞ, Fransa nümayəndəsi olan həmsədrlər, həmçinin Azərbaycan ilə Ermənistan xarici işlər nazirləri arasında nəzərdə tutulan görüş payızın əvvəllərində keçirilə bilər.

“Report” “RİA Novosti”yə istinadən xəbər verir ki, bu barədə Rusiya Xarici İşlər Nazirliyindəki mənbə məlumat verib.

Bildirilib ki, bunun üçün iki ölkənin münasibətləri, habelə koronavirus pandemiyası ilə bağlı əlverişli vəziyyət yaranmalıdır.

Mənbəyə görə, ATƏT-in Minsk Qrupu çərçivəsində təmaslar daimi şəkildə, gündəlik olaraq həmsədrlər arasında davam edir.

“Hazırda başlıca məqsəd Azərbaycanla Ermənistan sərhədində hələ də xeyli yüksək olan gərginliyi azaltmaq, ATƏT-in Minsk Qrupu çərçivəsində diplomatik çözüm axtarışlarını fəallaşdırmaqdır”, - deyən mənbə sözügedən görüşün istənilən yerdə keçirilə biləcəyini də qeyd edib.

Son xəbərlər

Orphus sistemi