ATƏT-in fəaliyyətdə olan sədri Minsk qrupunun həmsədrləri ilə görüşüb

Bakı. 23 iyun. REPORT.AZ/ ATƏT-in fəaliyyətdə olan sədri, Almaniyanın xarici işlər naziri Frank-Valter Ştaynmayer Dağlıq Qarabağ münaqişəsi üzrə ATƏT-in Minsk qrupunun həmsədrləri ilə görüşüb.

"Report" xəbər verir ki, bu barədə Almaniya Xarici İşlər Nazirliyinin mətbuat xidməti məlumat yayıb.

Görüşdə, həmçinin ATƏT-in fəaliyyətdə olan sədrinin şəxsi nümayəndəsi Anjey Kasprşik iştirak edib.

Görüş zamanı Dağlıq Qarabağ münaqişəsinin həlli ilə bağlı danışıqlar prosesi ətrafındakı cari vəziyyət müzakirə olunub.