Məzahir Pənahov: “MSK beynəlxalq təşkilatların nümayəndələrini seçki prosesini izləməyə dəvət edib”

Bakı. 14 fevral. REPORT.AZ/ “Heç kəs, hansısa partiya üzvü, təşkilat nümayəndəsi, dövlət qurumunun əməkdaşı seçki ilə bağlı xoşagəlməz hala yol verməməlidirlər”.

“Report”un xəbərinə görə, bunu Mərkəzi Seçki Komissiyasının (MSK) sədri Məzahir Pənahov deyib.

“Səsvermə başa çatanadək proses diqqətimizdə olacaq”, - deyə, o bildirib.

M.Pənahov qeyd edib ki, MSK beynəlxalq təşkilatların nümayəndələrini seçki prosesini izləməyə dəvət edib: “Biz həmişə onlarla qarşılıqlı hörmət əsasında əməkdaşlıq etmişik. Prezident seçkiləri əsas tədbir hesab olunur, ölkənin taleyi həll edilir. Ona görə də hər şey qanun çərçivəsində olmalıdır”.