​"Rio-2016": Azərbaycanın yunan-Roma güləşçiləri hazırlıqlarını tamamlayıb

Bakı. 12 avqust. REPORT.AZ/ Rio-de-Janeyroda keçirilən XXXI Yay Olimpiya Oyunlarında mübarizəyə qoşulacaq yunan-Roma güləşçiləri son hazırlıqlarını tamamlayıb.

"Report"un məlumatına görə, baş məşqçi Cəmşid Xeyrabadi, böyük məşqçi Nurəddin Rəcəbov və məşqçi Akif Əliyevin rəhbərliyi altında yarışlarda iştirak edəcək heyətdə Rövşən Bayramov (59 kq), Rəsul Çunayev (66 kq), Elvin Mürsəliyev (75 kq), Saman Təhmasibi (85 kq) və Sabah Şəriəti (130 kq) yer alıb.

Proqrama əsasən, güləş yarışlarının ilk günündə 59 kq və 75 kq, avqustun 15-də 85 kq və 130 kq, bir gün sonra isə 66 kq və 98 kq çəkidə idmançılar mübarizə aparacaq.

Qeyd edək ki, yunan-Roma güləşi üzrə yarışlar 14-16 avqust tarixlərində olacaq.