Yuxarı

Paralimpiyaçı olimpiya çempionundan daha sürətli qaçıb

ABŞ olimpiyaçısının nəticəsi paralimpiyaçıların mübarizəsində ilk 4 yeri tutanların göstəricilərindən də zəifdir

Bakı. 13 sentyabr. REPORT.AZ/ 2016-cı il Rio-de-Janeyro Yay Paralimpiya Oyunlarında 1500 metr məsafəyə qaçışın qalibi olimpiya çempionundan daha sürətli olub.

"Report" "Eurosport"a istinadən xəbər verir ki, Əlcəzairdən olan paralimpiyaçı Abdellatif Baka bu məsafəni 3 dəqiqə 48,29 saniyəyə qaçıb. Efiopiyalı Tamir Demiss 3 dəqiqə 48,59 saniyəyə qaçaraq ikinci, Keniyadan olan paralimpiyaçı Henri Kirve isə 3-cü olub. Abdellatif Bakanın qardaşı Fuad Baka isə 3 dəqiqə 49,59 saniyə ilə finişə dördüncü çatıb.

Halbuki son olimpiya çempionu, ABŞ idmançısı Mettyü Tsnetroviç bu məsafəni 3,5 dəqiqəyə qaçıb. Bu isə paralimpiyaçıların mübarizəsində ilk 4 yeri tutanların göstəricilərindən də zəifdir. Amma Tsnetroviç 108 il ərzində 1500 metrlik məsafəyə qaçışda olimpiya çempionu olan ilk ABŞ idmançısıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi