Yuxarı

Füzuli və Cəbrayılın işğalının ildönümü ilə əlaqədar olimpiyaçıların qarşılanma mərasimində şən musiqilər səsləndirilməyəcək

Nümayəndə heyəti Heydər Əliyevin heykəlini ziyarət edəcək

Bakı. 23 avqust. REPORT.AZ/ "Rio-2016"da iştirak etmiş Azərbaycan nümayəndə heyətinin qarşılanması zamanı şən musiqi ifaları səsləndirilməyəcək. Bu barədə "Report"a qarşılanma mərasiminin təşkilatçısı olan Bakı şəhər Gənclər və İdman Baş İdarəsinin rəisi Raqif Abbasov məlumat verib.

Onun sözlərinə görə, bu gün Cəbrayıl və Füzuli rayonlarının Ermənistan Silahlı Qüvvələri tərəfindən işğal edilməsinin 23-cü ildönümü olduğundan, qarşılanma zamanı yalnız hərbi musiqilər ifa edilə bilər: "Qarşılanma mərasimində idmançıların ailələri, dostları və yaxınlarından əlavə, biz tərəfdən təxminən 300 - 500 nəfər olacaq. Hava limanından Mərkəzi Bankın önünə yollanaraq, Ulu Öndər Heydər Əliyevin abidəsini ziyarət edib, əklil qoyacağıq".

Qeyd edək ki, nümayəndə heyətinin Heydər Əliyev adına Beynəlxalq Hava Limanına enişi saat 18:20-yə planlaşdırılsa da, Rio-de-Janeyro aeroportunda sıxlıq olduğundan, təyyarə Bakıda 4 saat gec olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi