Bakı 21° C
https://static.report.az/photo/5d68d29d-8927-44e0-bf2c-612d69959360.jpg
Bakı. 2 iyun. REPORT.AZ/ Azərbaycan idmançıları 2016-cı il Rio-de-Janeyro Yay Olimpiya Oyunlarında rekord sayda idman növü və idmançı ilə təmsil olunacaqlar. "Report"un məlumatına görə, indiyədək başa çatmış lisenziya yarışları nəticəsində vəsiqələrin sayı "London-2012"dəki göstəricini keçib.
Olimpiadanın rəsmi saytına əsasən, Rio-de-Janeyroda 10 000-dək idmançı 39 yarış növü üzrə 301 dəst medal uğrunda mübarizə aparacaq. Bu günədək Azərbaycanın 55 idmançısı 18 növdə lisenziyanı təmin edib. Onlar artıq 57 medal qazanma şansı əldə ediblər.
2012-ci il London Yay Olimpiya Oyunlarına 15 növ üzrə 53 idmançı 52 lisenziya qazanmışdı.
Amma lisenziya sayında artım və ya azalma baş verə bilər. İş ondadır ki, lisenziya yarışları hələ yekunlaşmayıb. Bu ay Bakıda boks üzrə dünya təsnifat turniri keçiriləcək. Boksla yanaşı, atletika, üzgüçülük kimi növlərdə də lisenziya artımı gözlənilir. Azalma isə ağırlıqqaldıranlara dopinq-testdən keçə bilməmələri səbəbindən cəzanın verilmə ehtimalı üzündən baş verə bilər.
Bundan başqa, Rio-2016"ya yeni növlərdə - oxatma, kanoe-slalom, trek velosipedi və triatlonda lisenziyalar qazanılıb.
Azərbaycan idmançılarının lisenziya qazandığı idman növləri (təmsil olunacaq idmançıların və onların qazandıqları lisenziyaların sayı): Oxatma (1-1), idman gimnastikası (2-2), atletika (3-3), boks (8-8), kanoe-slalom (1-1), kayak-kanoe (2-3), şosse velosipedi (2-2), trek velosipedi (1-2), qılıncoynatma (1-1), cüdo (6-6), bədii gimnastika (1-1), akademik avarçəkmə (2-1), atıcılıq (1-1), üzgüçülük (1-2), taekvondo (4-4), triatlon (1-1), ağırlıqqaldırma (4-4), güləş (14-14)
Olimpiadada Azərbaycanı təmsil edəcək idmançılar:
| S/S | Soyadı, adı | İdman növü və fənni |
| Albert Səlimov | Boks (60 kq) |
| Elvin Məmişzadə | Boks (52 kq) |
| Pərviz Bağırov | Boks (69 kq) |
| Cavid Çələbiyev | Boks (56 kq) |
| Lorentso Sotomayor | Boks (64 kq) |
| Abdulkadir Abdullayev | Boks (-91 kq) |
| Məhəmmədrəsul Məcidov | Boks (+91 kq) |
| Yana Alekseyevna | Boks (60 kq) |
| Hanna Skidan | Atletika (çəkic tullama) |
| Nazim Babayev | Atletika (üç təkanla tullanma) |
| Hayle İbrahimov | Atletika (5000 m. məsafəyə qaçış) |
| Aleksandr Aleksandrov / Boris Yotov | Akademik avarçəkmə (2000 m. ikinəfərlik qayıq) |
| Valentin Demyanenko | Kanoe (200m. birnəfərlik qayıq) |
| İnna Osipenko-Rodomska | Kayak (200 m. birnəfərlik qayıq) |
| İnna Osipenko-Rodomska | Kayak (500 m. birnəfərlik qayıq) |
| Yure Meqliç | Kanoe-slalom (birnəfərlik qayıq) |
| Elvin Mürsəliyev | Yunan-Roma güləşi (75 kq) |
| Rövşən Bayramov | Yunan-Roma güləşi (59 kq) |
| Rəsul Çunayev | Yunan-Roma güləşi (66 kq) |
| Sabah Şəriəti | Yunan-Roma güləşi (130 kq) |
| SamanTəhmasibi | Yunan-Roma güləşi (85 kq) |
| Mariya Stadnik | Qadın güləşi (48 kq) |
| Anjela Doroqan | Qadın güləşi (53 kq) |
| Yuliya Ratkeviç | Qadın güləşi (58 kq) |
| Mircəlal Həsənzadə | Sərbəst güləş (57 kq) |
| Toğrul Əsgərov | Sərbəst güləş (65 kq) |
| Məhəmmədhacı Xatiyev | Sərbəst güləş (86 kq) |
| Xetaq Qazyumov | Sərbəst güləş (97 kq) |
| Cəmaləddin Məhəmmədov | Sərbəst güləş (125 kq) |
| Cəbrayıl Həsənov | Sərbəst güləş (74 kq) |
| Marina Durunda | Bədii gimnastika |
| Oleq Stepko | İdman gimnastikası |
| Petro Paxnyuk | İdman gimnastikası |
| Komanda hesabında 4 nəfər | Ağırlıqqaldırma |
| Komanda hesabında 4 nəfər | Ağırlıqqaldırma |
| Komanda hesabında 4 nəfər | Ağırlıqqaldırma |
| Komanda hesabında 4 nəfər | Ağırlıqqaldırma |
| Radik İsayev | Taekvondo (+80 kq) |
| Fəridə Əzizova | Taekvondo (67 kq) |
| Milad Beigi Harçeqani | Taekvondo (-80 kq) |
| Patimat Abakarova | Taekvondo (49 kq) |
| Maksim Averin | Velosiped (şosse) |
| Olqa İsmayılova | Velosiped (keyrin) |
| Olqa İsmayılova | Velosiped (sprint) |
| Yelena Pavluxina | Velosiped (şosse) |
| Maksim Şemberev | Üzgüçülük (400 metr məsafəyə kompleks üzmə) |
| Maksim Şemberev | Üzgüçülük (1500 met məsafəyə sərbəst üsulla üzmə) |
| Sabina Mikina | Qılıncoynatma (sablya) |
| Rostislav Pevtsov | Triatlon |
| Olqa Senyuk | Kamandan oxatma |
| Ruslan Lunyov | Güllə atıcılığı |
| 52 - 57. | cüdo | 6 lisenziya (60 kq, 66 kq, 73 kq, 90 kq, 100 kq, +100 kq) |
Qeyd edək ki, 2016-cı il Rio-de-Janeyro Yay Olimpiya Oyunları 5 - 21 avqustda keçiriləcək.
