Bakı. 16 avqust. REPORT.AZ/ ABŞ üzgüçüsü Maykl Felps peşəkar idmançı karyerasını başa vurduğunu açıqlayıb.
"Report"un məlumatına görə, 31 yaşlı idmançı bundan sonra qolfla məşğul olacaq.
Felps vaxtını ailəsinə, istirahətinə ayırmaq istədiyini bildirib.
Qeyd edək ki, M.Felps "Rio-2016"da 5 qızıl və bir gümüş medal qazanıb. Ümumilikdə Olimpiya oyunlarında 23 qızıl, 3 gümüş və 2 bürünc medal qazanıb.