Yuxarı
    Bağlamaq

    Yol polisi qadın sürücüləri təbrik edib - FOTO - VİDEO

    Xanım sürücülərə pulsuz yanacaq, avtoyuma, sığorta kartları, gül və başqa qiymətli hədiyyələr verilib

    Bakı. 8 mart. REPORT.AZ/ Bu gün 8 Mart Beynəlxalq Qadınlar Günü münasibətilə Yol Patrul Xidmətinin (YPX) əməkdaşları qadın sürücüləri təbrik ediblər.

    Bakı Şəhər Baş Polis İdarəsi (BŞBPİ) Dövlət Yol Polis İdarəsinin (DYPİ) bölmə rəisi, polkovnik Vaqif Əsədov "Report"a bildirib ki, bu gün səhər saatlarından başlayaraq paytaxtın müxtəlif küçə və prospektlərində reydlər təşkil olunub: "Reydlər zamanı ümumilikdə 300-dən artıq qadın sürücü müxtəlif qayda pozuntularına görə saxlanılıb. Lakin həmin qadın sürücülərə inzibati protokol tərtib olunmayıb. Yol polisləri tərəfindən saxlanılan qadın sürücülərə müxtəlif hədiyyələr təqdim olunub".

    Qeyd edək ki, xanım sürücülərə verilən hədiyyələr arasında müxtəlif əşyalar, pulsuz yanacaq, avtoyuma, sığorta kartları, gül və başqa qiymətli hədiyyələr olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi