Sürüşmə zonasında son vəziyyət - VİDEO

Badamdardan 20-ci sahə istiqamətində olan avtomobil yolunun sağ hissəsində ötən gecə sürüşmə baş verməsi ilə bağlı gərginlik davam edir.

Zərərçəkmiş şəxslərdən biri “Report”a deyib ki, yolun uçması nəticəsində avtomobili torpağın altında qalıb:

“Axşam zəng vurdular gəldim. Sənədlərim və hər bir şey də avtomobilimin içində qaldı”.

“Report” sürüşmə ərazisindən hazırladığı videoreportajı təqdim edir.

Qeyd edək ki, hadisədən sonra ərazidə lazımi təhlükəsizlik tədbirləri görülüb, müvafiq dövlət orqanları məlumatlandırılıb, əraziyə aidiyyatı qurumların nümayəndələri gələrək araşdırmalar aparıblar.