"Azəriqaz"ın əməkdaşları COVID-19-a qarşı peyvənd olundu - VİDEO

Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin əməkdaşları koronavirus (COVID-19) infeksiyasına qarşı növbəti dəfə peyvənd olunub.

Tibbi Ərazi Bölmələrini İdarəetmə Birliyinin (TƏBİB) rəsmisi Elnarə Baxışın "Report"a verdiyi məlumata görə, vaksinasiyada "Azəriqaz"ın 150 əməkdaşı könüllü iştirak edib.

İstehsalat Birliyinin əməkdaşlarının işdən ayrılmadan rahat şəkildə peyvəndlənməyə cəlb edilməsi üçün hər cür şərait yaradılıb.