Yuxarı

Yenidən hazırlanan “Kənd təsərrüfatında sığortanın stimullaşdırılması haqqında” qanun layihəsi Prezident Administrasiyasına göndərilib

Bakı. 12 sentyabr. REPORT.AZ/ Azərbaycanda “Kənd təsərrüfatında sığortanın stimullaşdırılması haqqında” qanun yenidən hazırlanır.

“Report” xəbər verir ki, bununla bağlı məsələ Milli Məclisin Aqrar siyasət komitəsinin payız sessiyasının qanunverici işlər planına salınıb.

Aqrar siyasət komitəsinin bu gün keçirilən iclasında komitə sədri Eldar İbrahimov deyib ki, Milli Məclis layihəni Kənd Təsərrüfatı Nazirliyi ilə birlikdə hazırlayıb: “Layihə Prezident Administrasiyasına göndərilib. Prezident Administrasiyasının rəyi alındıqdan sonra layihə parlamentdə müzakirəyə çıxarılacaq”.

Qeyd edək ki, hazırda qüvvədə olan “Kənd təsərrüfatında sığortanın stimullaşdırılması haqqında” qanun 2002-ci ildə qəbul olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi