Yuxarı

Taxıl məhsullarının keyfiyyəti ilə bağlı inzibati protokol tərtib edilməyəcək

© Report

Bakı. 28 noyabr. REPORT.AZ/ Taxıl məhsullarının keyfiyyəti sahəsində inzibati xətalar haqqında protokol tərtib edilməyəcək.

“Report”un xəbərinə görə, bununla bağlı “Taxıl haqqında” Azərbaycan Respublikasının Qanununda dəyişiklik edilməsi barədə” qanununda dəyişiklik olunur.

Belə ki, qanunun 15-ci (Taxıl məhsullarının keyfiyyətinə dövlət nəzarəti) maddəsindən 15.3.5-ci bəndi çıxarılır. 

Bu maddəyə əsasən, müvafiq icra hakimiyyəti orqanı taxıl məhsullarının keyfiyyəti sahəsində inzibati xətalar haqqında protokol tərtib edir.

Parlamentin Aqrar siyasət komitəsinin iclasında bu qadağanın götürülməsi deputatlar tərəfindən müsbət qarşılanıb.

Layihə Milli Məclisin plenar iclasına tövsiyə olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi