​MSK sədri seçkiqabağı təşviqatın zəif olması ilə bağlı fikirlərə münasibət bildirib

Bakı. 21 oktyabr. REPORT.AZ/ Mərkəzi Seçki Komissiyasının (MSK) sədri Məzahir Pənahov bu il noyabrın 1-də keçiriləcək parlament seçkilərində seçkiqabağı təşviqatın zəif olması ilə bağlı fikirlərə münasibət bildirib. 

“Report”un məlumatına görə, M.Pənahov deyib ki, hazırda təşviqat normal şəraitdə aparılır. Onun sözlərinə görə, bütün dünyada təşviqat prosesi sosial şəbəkələrdə aparılır: “Belə təşviqat əvvəlki seçkilərdən müqayisəolunmaz dərəcədə fərqlənir. Çünki sosial şəbəkələri bütün dünya izləyir. Hesab edirəm ki, Azərbaycandakı seçkiqabağı proses normal gedir”.