Yuxarı

Milli Məclisin deputatı ATƏT PA-da Kibertəhlükəsizlik komitəsinin yaradılmasını təklif edib

Azərbaycan nümayəndə heyətinin sədr müavini Tahir Mirkişili

Bakı. 9 iyul. REPORT.AZ/ ATƏT Parlament Assambleyasının (PA) Almaniyanın paytaxtı Berlində keçirilən 27-ci yay sessiyası zamanı “ATƏT öhdəliklərinin tətbiqi: Parlamentarilərin rolu” mövzusunda qətnamə layihəsi müzakirə olunub.

“Report”un xəbərinə görə, çıxış Azərbaycan nümayəndə heyətinin sədr müavini Tahir Mirkişili dövlətlərin əsas diqqəti informasiya müharibəsinə, saxta xəbərlərə və qanunsuz olaraq istifadəçilər haqqında kütləvi informasiyanın toplanmasına yönəltməyin vacibliyini qeyd edib.

Deputat bu sahədə bütün ölkələrdə qanunvericiliyin zəif olduğunu, texnologiyaların inkişaf sürətinin yüksəldiyini və bundan sui-istifadə hallarının da artmasını önə çəkərək ATƏT PA çərçivəsində ortaq əməkdaşlıq platformasının vacibliyini bildirib.

T.Mirkişili ATƏT PA tərkibində kibertəhlükəsizlik üzrə ayrıca komitənin yaradılmasını təklif edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi