Yuxarı

Milli Məclisdə növbəti ilin dövlət büdcəsi ilə bağlı müzakirələr başa çatıb

© Report

Bakı. 15 noyabr. REPORT.AZ/ Milli Məclisdə (MM) 2019-cu ilin dövlət büdcəsi ilə bağlı müzakirələr başa çatıb.

“Report” xəbər verir ki, layihə parlamentin plenar iclaslarında 3 gün - noyabrın 13-14-15-də müzakirə olunub. Deputatlar bir sıra təkliflərlə çıxış ediblər.

Müzakirələr zamanı "2019-cu il dövlət büdcəsi haqqında”, " 2019-cu il üçün yaşayış minimumu haqqında”, "2019-cu il üçün ehtiyac meyarının həddi haqqında”, "Dövlət Sosial Müdafiə Fondunun 2019-cu il büdcəsi haqqında” qanun layihələri, Milli Məclisin və Hesablama Palatasının növbəti il üçün xərclər smetalarına baxılıb.

MM sədri Oqtay Əsədov parlamentin bu gün keçirilən plenar iclasında deyib ki, hökumətə təkliflərə cavab vermək üçün 8 gün - noyabrın 23-dək vaxt verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi