Milli Məclis nümayəndəlik institutunun fəaliyyətini məhdudlaşdıran qanun layihəsini qəbul edib

Milli Məclis nümayəndəlik institutunun fəaliyyətini məhdudlaşdıran qanun layihəsini qəbul edib Dəyişiklik layihəsi dekabrın 1-də qüvvəyə minəcək
Milli Məclis
3070
31 Oktyabr , 2017 15:26
Milli Məclis nümayəndəlik institutunun fəaliyyətini məhdudlaşdıran qanun layihəsini qəbul edib

Bakı. 31 oktyabr. REPORT.AZ/ Milli Məclisin bu gün keçirilən plenar iclasında “Vəkillər və vəkillik fəaliyyəti haqqında” qanuna, Mülki Prosessual və İnzibati Prosessual məcəllələrinə dəyişiklik layihəsi müzakirəyə çıxarılıb.

“Report”un xəbərinə görə, layihə ilə bağlı parlamentin Hüquq siyasəti və dövlət quruculuğu komitəsinin sədri Əli Hüseynli məlumat verib.

O bildirib ki, Ali Məhkəmənin Milli Məclisə təqdim etdiyi layihəyə əsasən, fiziki şəxsin yalnız yaxın qohumuna məhkəmələrdə qanuni nümayəndə kimi iştiraka icazə veriləcək.

Dəyişiklik layihəsində bir sıra məhkəmə çəkişmələrində nümayəndəlik institutunun daha peşəkar-vəkillik institutu ilə əvəzlənməsi nəzərdə tutulur, vəkillik institutunun daha da gücləndirilməsi təklif edilir. Kassasiya instansiyasında, yəni Ali Məhkəmədə işlərə baxılan zaman nümayəndənin iştirakına yol verilməyəcək.

Deputatların fikir ayrılığı ilə müşahidə edilən müzakirələrdən sonra layihə səsverməyə çıxarılaraq qəbul edilib.

Dəyişiklik layihəsi dekabrın 1-də qüvvəyə minəcək.

Son xəbərlər

Orphus sistemi