Bakı. 14 oktyabr. REPORT.AZ/ Noyabrın 1-də Azərbaycanda keçiriləcək parlament seçkilərində MDB-nin uzunmüddətli müşahidə missiyasının Bakıdakı qərargahı fəaliyyətinə başlayır. Bu barədə "Report"a MDB İcraiyyə Komitəsinin mətbuat xidmətindən bildirilib.
Bununla bağlı MDB müşahidə missiyası qərargahının rəhbəri Yevgeni Sloboda Bakıya gəlib. Onun MSK sədri də daxil olmaqla, bir sıra görüşlər keçirməsi planlaşdırılır.
Parlament seçkilərində monitorinqi MDB-nin uzunmüddətli və qısamüddətli müşahidəçilər qrupu həyata keçirəcək. Müşahidə Azərbaycanın bütün regionlarını əhatə edəcək.
Qurumun müşahidəçilərindən ibarət nümayəndə heyətinə MDB-nin icraçı katibi Sergey Lebedev rəhbərlik edəcək