Komitə sədri: “Turizm haqqında” hazırkı qanun standartlara cavab vermir”

Komitə sədri: “Turizm haqqında” hazırkı qanun standartlara cavab vermir” “Dünyanın on ölkəsinin vətəndaşları Azərbaycana vizasız gələ bilirlər”.
Milli Məclis
103
14 Dekabr , 2021 12:11
Komitə sədri: “Turizm haqqında” hazırkı qanun standartlara cavab vermir”
Musa Quliyev

“Dünyanın on ölkəsindən vətəndaşlar Azərbaycana vizasız gələ bilirlər”.

“Report”un xəbərinə görə, bunu Milli Məclisin Əmək və sosial siyasət komitəsinin sədri Musa Quliyev parlamentin bu gün keçirilən iclasında “Turizm haqqında”qanun layihəsinin I oxunuşda müzakirəsi zamanı deyib.

Onun sözlərinə görə, Azərbaycanda beynəlxalq səviyyəli hava limanları olsa da, onlardan səmərəli istifadə edilmir: “Hazırda qüvvədə olan “Turizm haqqında” qanun standartlara cavab vermir. Onun üçün yeni qanun layihəsi hazırlanıb”.

Dövlət Turizm Agentliyinin sədri Fuad Nağıyev qeyd edib ki, Azərbaycanda turizmin inkişafına Prezident İlham Əliyev tərəfindən xüsusi diqqət göstərilir:

"Otellərin təqdim etdiyi xidmətlərin keyfiyyətində problemlər müşahidə edilir. Yeni qanun turizm sektorunda davamlı inkişaf  üçün imkanlar yaradır". 

Agentlik sədri yeni qanun layihəsinin əsas məqsədinin bütövlükdə ölkədə turizmin dayanıqlı inkişafını təmin etmək, beynəlxalq turizm bazarında Azərbaycanın etibarlı və cəlbedici imicini formalaşdırmaq və rəqabət qabiliyyətini artırmaq olduğunu qeyd edib. Fuad Nağıyev qanun layihəsində bir çox məqamların turizm sənayesinin fəaliyyətini stimullaşdırmaq və asanlaşdırmaq məqsədli olduğunu vurğulayıb.

Son xəbərlər

Orphus sistemi