Yuxarı

Həmsədr: “Azərbaycan Parlamenti ilə Avropa İttifaqı arasında münasibətlər yüksələn xətt üzrə inkişaf edir”

Cavanşir Feyziyev

Bakı. 7 may. REPORT.AZ/ “Azərbaycan Parlamenti ilə Avropa İttifaqı arasında münasibətlər yüksələn xətt üzrə inkişaf edir”.

“Report”un xəbərinə görə, bunu Bakıda keçirilən Avropa İttifaqı-Azərbaycan Parlament Əməkdaşlıq Komitəsinin XV iclasında qurumun həmsədri Cavanşir Feyziyev deyib.

O, bu əlaqələrin daha da inkişaf etdirilməsinə çalışdıqlarını bildirib: “Azərbaycan bir çox sahələrdə Avropa İttifaqı ilə əməkdaşlıq edir”.

Avropa İttifaqı-Azərbaycan Parlament Əməkdaşlıq Komitəsinin sədri Sayyad Kərim çıxışında Avropa İttifaqı ilə Azərbaycanın münasibətlərindən məmnun olduğunu bildirib. O vurğulayıb ki, Avropa İttifaqı Azərbaycan üçün həm də ticari tərəfdaşdır: “Əməkdaşlığımız yalnız enerji sahəsi ilə məhdudlaşmır. Azərbaycanın böyük nəqliyyat qovşağına sahib olması əməkdaşlıqda xüsusi yer tutur”.

O qeyd edib ki, regionda baş verənlər diqqət mərkəzindədir: “Avropa İttifaqı Dağlıq Qarabağ münaqişəsinin sülh yolu ilə həllində maraqlıdır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi