Milli Məclisin deputatları Avstraliyaya səfər edəcək

Bakı. 14 fevral. REPORT.AZ/ Milli Məclisin (MM) Avstraliya və Yeni Zelandiya ilə parlamentlərarası əlaqələr üzrə işçi qrupunun rəhbəri Xanlar Fətiyev və qrupun üzvü Asim Mollazadə fevralın 15-də Sidney şəhərinə səfər edəcək.

MM-dən “Report”a verilən məlumata görə, deputatlar bir sıra görüşlər keçirəcək, Azərbaycanla Avstraliya arasında müxtəlif sahələrdə əməkdaşlığın inkişafı barədə məsələləri müzakirə edəcək, qanun yaradıcılığı ilə bağlı təcrübələrini bölüşəcəklər.

Səfər fevralın 27-də başa çatacaq.