Deputat: “Azərbaycanda meyxana yolu ilə cinayətkar kultu formalaşdırılır və İranın ideoloji doqmaları cəmiyyətə sırınır”

“Azərbaycanda meyxana yolu ilə cinayətkar kultu formalaşdırılır və İranın ideoloji doqmaları cəmiyyətə sırınır”.

“Report” xəbər verir ki, bunu Milli Məclisin İctimai birliklər və dini qurumlar komitəsinin sədr müavini Sahib Alıyev deyib.

Deputat, yaradıcılıq məsələləri ilə məşğul olan ictimai birliklərin təmsilçiləri ilə görüşərək bu kimi mövzularda müzakirə aparmağa ehtiyacın olduğu düşüncəsindədir.

Komitənin sədri Fəzail İbrahimli isə xatırladıb ki, Milli Məclisin funksiyası qanunvericiliklə məşğul olmaqdır:

“Aidiyyəti qurumlar kimin ayaqqabısının ölçüsü neçədir, ona qədər bilirlər və bütün işlər nəzarət altındadır”.