Bahar Muradova: "Bəzi saytlar haqqımda 1 aprel zarafatı etmək istəyiblər"

Bakı. 3 aprel. REPORT.AZ/ Milli Məclisin sədr müavini Bahar Muradova əməliyyat olunması barədə xəbərlərə münasibət bildirib.

"Report"un məlumatına görə, B.Muradova şəxsi facebook səhifəsində yayılan məlumatların yanlış olduğunu bildirib: "Bəzi sensasiya axtaran saytlar haqqımda 1 aprel zarafatı etmək istəyiblər. Amma nəyə görəsə çaşıb aprelin 3-də yayıblar. Bax, buna zarafat yox, "dodaqqaçdı" deyərlər".