Bakı. 2 noyabr. REPORT.AZ/ "Noyabrın 1-i Azərbaycanda Milli Məclisə keçirilən seçkilər Azərbaycan xalqının iradəsini tam şəkildə ifadə edir".
Bunu "Report"un sualını cavablandırarkən AŞPA-nın müşahidə missiyasının rəhbəri, ispaniyalı deputat Jordi Çukla Kosta deyib.
J.Çukla, həmçinin seçkiqabağı proses və seçkilərin özündə KİV-in yüksək fəallığını da vurğulayıb.
Nümayəndə heyətinin rəhbəri ATƏT-in Demokratik Təsisatlar və İnsan Haqları Bürosunun seçkilərdə iştirak etməməsini təəssüflə qeyd edərək, bir çox yerli müşahidəçinin iştirakını alqışlayıb.
Onun sözlərinə görə, AŞPA-nın müşahidəçiləri hesabatı hazırlayarkən yalnız müstəqil müşahidəçilərin fikrini öyrənməklə kifayətlənməyib, həm də Bakıda, o cümlədən yerli KİV nümayəndələri ilə görüşlər keçirib.