Yuxarı

​Parlament jurnalistləri Fuad Muradovun seçki qərargahında olub - FOTO

Parlament Jurnalistləri Birliyi adından Fuad Muradova “IV çağırış Milli Məclisin ən fəal deputatı” seçildiyinə görə plaket təqdim edilib

Bakı. 28 oktyabr. REPORT.AZ/ Milli Məclisdə akkreditasiya olunmuş bir qrup media təmsilçisi deputat, 34 saylı Xətai ikinci Seçki Dairəsindən deputatlığa namizəd Fuad Muradovun seçki qərargahında olublar.

"Report"un məlumatına görə, qərargahda iş prosesi ilə tanışlıqdan sonra keçirilən görüşdə bildirilib ki, F.Muradov 10 il ərzində parlamentin ən fəal deputatlarından olub. Parlament jurnalistləri arasında keçirilən sorğu nəticəsində Fuad Muradov 4-cü çağırış Milli Məclisində beş ilin ən fəal deputatı seçilib.

Fuad Muradov media nümayəndələrinə təşəkkürünü bildirib. Qeyd edib ki, bu gün Azərbaycan mediası ölkədə baş verən bütün prosesləri işıqlandırır və cəmiyyətlə dövlət arasında körpü funkisyasını layiqincə yerinə yetirir.

Sonda Parlament Jurnalistləri Birliyi adından Fuad Muradova “IV çağırış Milli Məclisin ən fəal deputatı” seçildiyinə görə plaket təqdim edilib.

Qeyd edək ki, Fuad Muradov 5 dəfə “İlin ən fəal deputatı” adına layiq görülüb.

Görüşdə Fuad Muradov jurnalistləri maraqlandıran bir sıra sualları cavablandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi