Bakı. 1 noyabr. REPORT.AZ/ "Lənkəran rayonunda sel sularından zərər çəkən kəndlərin əhalisinin Milli Məclisə seçkilərdə səs verməsi üçün lazımi şərait yaradılıb". Bunu "Report"a açıqlamasında 74 saylı Lənkəran kənd Seçki Dairəsinin sədri Əlövsət Rufiyev deyib.
O bildirib ki, yağıntıları nəzərə alaraq seçki məntəqələrinin ətrafında qabaqcadan tədbirlər görülüb: "Yağıntı sularının ərazidən uzaqlaşdırılması üçün texnikalardan istifadə olunub. Xüsusi generatorlar vasitəsi ilə çökək ərazilərdən su nasoslarla götürülüb. Hazırda səsvermənin gedişi normal davam edir. Məntəqələrdə hər hansı problem yoxdur".