Yuxarı

Türkiyənin “Anadolu” Agentliyi beynəlxalq foto-müsabiqə elan edib

Müsabiqə üçün müraciət tarixi noyabrın 1-də başlayır

Bakı. 30 oktyabr. REPORT.AZ/ Türkiyənin “Anadolu” Agentliyi (“Anadolu” Ajansı - AA) beynəlxalq foto-müsabiqə elan edib. Agentliyin Bakı ofisindən “Report”a bildirilib ki, “İstanbul Photo Awards” adlı müsabiqə xəbər fotosu sahəsində dünyanın bütün professional fotoqraflarına açıqdır.

Müsabiqə üçün müraciət tarixi noyabrın 1-də başlayacaq və 31 yanvar 2015-ci ilə tarixinədək davam edəcək.

Müsabiqənin qalibləri, dünyanın ən nüfuzlu mətbuat qurumları, jurnal və qəzetlərinin foto redaktorlarından ibarət münsiflər heyəti tərəfindən müəyyən olunacaq.

Mükafatlandırma mərasimi 2015-ci ilin aprel ayında İstanbulda olacaq. Qaliblərə dört kateqoriya üzrə və münsiflər heyətinin xüsusi mükafatı olmaqla toplam 58 min dollar pul mükafatı veriləcək.

Hər kateqoriya üzrə birinci yerin sahibi 8 min, ikinci yerin sahibi 3 min, üçüncü yerin sahibi isə 1,5 min dollar məbləğindəki mükafatın sahibi olacaq.

Müraciət üçün müsabiqədən ötrü xüsusi olaraq hazırlanmış istanbulphotoawards.com və anadoluimages.com keçidlərindən istifadə etmək olar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi