Yuxarı
    Bağlamaq

    Şimali Koreyada daha bir ölkənin xəbər agentliyinin təmsilçiliyi açılıb

    Bu ölkədə uzun illərdir Rusiyanın TASS və Çinin Sinxua agentliklərinin nümayəndəlikləri var

    Bakı. 7 sentyabr. REPORT.AZ/ Şimali Koreyanın paytaxtı Pxenyanda "France Press" agentliyinin nümayəndəliyi açılıb.

    "Report" TASS-a istinadən xəbər verir ki, açılış mərsimində agentliyin rəhbəri Emanuel Hooq iştirak edib.

    O, Şimali Koreya Mərkəzi Teleqraf Agentliyinin baş direktoru Kim Çon Qvanla da görüşüb.

    Ümumiyyətlə, bu ölkədə uzun illərdir keçmiş SSRİ-nin, indi isə Rusiyanın TASS və Çinin "Sinxua" agentliklərinin nümayəndəlikləri var. Bundan başqa, bu ölkədə Çin Kommunist Partiyası Mərkəzi Komitəsinin orqanı olan "Jenmin Jibao" qəzetinin jurnalistləri də fəaliyyət göstərir.

    Xatırladaq ki, 2006-cı ilin sentyabrında Pxenyanda Yaponiyanın "Kiodo" agentliyinin təmsilçiliyi, 2012-ci ildə ABŞ agentliyinin bürosu açılıb. "Kiodo" və "Associated Press" agentliklərinin ölkədəki təmsilçiliklərində şimali koreyalı jurnalistlər işləyirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi