“Radio Antenn 101FM”in 17 yaşı tamam olur

Bakı. 15 may. REPORT.AZ/ Bu gün “Radio Antenn 101FM”in yaranma günüdür.

“Report”un məlumatına görə, radionun 17 yaşı tamam olur.

“Radio Antenn 101FM” 1998-ci ildən fəaliyyət göstərir. Ötən müddət ərzində radionun stabil dinləyici auditoriyası formalaşıb, əhatə coğrafiyası daha da genişlənib.

Hər gün 24 saat yayımda olan 101FM-də dinləyicilər hər saatın tamamında Azərbaycanda və dünyada baş verən ən son xəbərləri, müxtəlif məzmunlu verlişləri və musiqi proqramlarını dinləmək və zövq almaq imkanına malikdirlər.

"Report" İnformasiya Agentliyinin kollektivi “Radio Antenn 101FM”də çalışan həmkarlarını təbrik edir, onlara möhkəm cansağlığı və müvəffəqiyyətlər arzulayır!